نمائش14مارچ سے شروع ہوگی، ڈینم مصنوعات کیلئے علیحدہ سیکشن مختص ٹریڈ ڈیولپمنٹ اتھارٹی کی جانب سے پویلین کا انعقاد بھی کیا جائے گا
چین کے صنعتی شہر شنگھائی میں 14مارچ سے شروع ہونے والی ایپرل،فیبرک اور ایسیسریز کی عالمی نمائش‘‘ انٹر ٹیکسٹائل شنگھائی ’’میں پاکستان سے 37کمپنیاں شریک ہو ں گی،میسے فرینکفرٹ پاکستان کے نمائندے عمر صلاح الدین کے مطابق تین روزہ نمائش میں ٹریڈ ڈیولپمنٹ اتھارٹی آف پاکستان(ٹڈاپ )کی جانب سے پویلین کا انعقاد بھی کیا جائیگا ،یہ نمائش اس بار یارن ایکسپو اور انٹر ٹیکسٹائل شنگھائی ہوم اسپرنگ ایڈیشن کے ساتھ منعقد ہورہی ہے ،نمائش میں ڈینم مصنوعات کیلئے بھی ایک علیحدہ سیکشن مختص کیا گیا ہے جس میں ڈینم انڈسٹری کی جانب سے جدت پر مبنی مصنوعات پیش کی جائینگی ، پاکستان سے شریک ہونے والی 37کمپنیوں میں سے 21یارن،10ڈینم اور 6فیبرک مصنوعات کی نمائش کرینگی ،گزشتہ برس انٹر ٹیکسٹائل شنگھائی میں 26 ممالک کے 3341نمائش کنندگان نے مصنوعات کی نمائش کی جبکہ 103ممالک سے تعلق رکھنے والے 71 ہزار سے زائد خریداروں نے شرکت کی ،اس دوران یارن ایکسپو میں 393نمائش کنندگان اور 22ہزار سے زائد خریدار موجود تھے ۔ مزید پڑھنے کیکئے۔۔۔۔
